Avokati Ledio Braho, i ftuar në Ora News, ka folur në lidhje me nismën e mazhorancës e cila në komisionin e ligjeve, ka ndërmarrë iniciativën për të konkretizuar nismën për ndryshimin e ligjit, për shkarkimin e Presidentin të Republikës.
Braho theksoi se patjetër ka nevojë për një ligj organik për institucionin e Presidentit të Republikës, por sipas tij, jemi në krizë institucionale dhe Presidenti nuk mund të shkarkohet.
Më tej, ai tha se është e cuditshme, sepse vjen nga një mazhorancë, e cila është e para në historinë e pluralizmit 30-vjeçar në Shiqpëri, që ka iniciuar një nismë për shkarkimin e Presidentit.
“Është një iniciativë që nuk është hedhur për herë të parë, por që në kohën e presidentit Nishani, i cili përgatiti një draft, dhe duke qënë se s’kishte iniciativë ligjvënëse, tentoi ta përfshinte në planin e parlamentit si ligj.
E njëjta mazhorancë që është sot, atherë sic duke s’kishte vullnetin për një ligj të tillë, dhe cuditërisht ky vullnet vjen në fund të mandatit të dytë. Është e cuditshme, sepse vjen nga një mazhorancë, e cila është e para në historinë e pluralizmit 30-vjeçar në Shiqpëri, që ka iniciuar një nismë për shkarkimin e presidentit, për shkelje kushtetuese dhe është po kjo mazhorancë, që tenton nëpërmjet një ligji, se duan ta detajojnë me kompetencat kushtetuese të presidentit. Do të përdoret për të kufizuar kompetencat kushtetuese të presidentit me ligj, çka është dicka antikushtetuese.”-tha Braho.
Avokati Braho, thekson se kjo iniciativë, s’duhet të procedohet tashmë sa i përket pjesës së shndërrimit në një ligj, sepse sipas tij jemi në një krizë të thellë kushtetuese dhe institucionale.
Sa i përket krizës institucionale, Braho thekson mungesën e Gjykatës Kushtetuese. “Flasim për një marrëdhënie delikate mes Presidentit dhe Ekzekutivit’- tha Braho.
Mungesa e Gjykatës Kushtetuese, tha Braho, sjell pamundësinë e Presidentit për t’iu drejtuar asaj nëse në këtë projektligj do të ketë problematika kushtetuese.
