Infektimit me COVID-19 nuk i ka shpëtuar as Gjykata e Shkallës së parë në Korçë. Sipas informacioneve, e para që ka rezultuar pozitive ka qenë sekretarja e gjykatës, më pas dhe 2 punonjëse të tjera të cilat ishin në një zyrë me të.
Pas këtyre rasteve, janë marrë tamponët për 10 punonjës të tjerë që kanë patur kontakte dhe priten përgjigjet në ditët në vijim.
Punonjësve që u është marrë tamponi, janë të karantinuar në banesë.
Më herët u njoftua edhe për dy mësues, 40 dhe 60 vjeç, se kanë rezultuar pozitivë ndaj koronavirusit. Ata janë karantinuar në banesat e tyre, ndërsa nuk ishin sot në shkollat ku japin mësim.
Katër mësues të tjerë janë në pritje të përgjigjeve nga tamponi, ndërsa janë karantinuar në banesat e tyre.
