Gazetari Mustafa Nano deklaron se fitorja e një tjetër mandati nga Edi Rama do t’a bënte atë të neveritshëm.
“Unë nuk jam me ata që thonë se Edi Rama është diktator, nuk është diktator. Rama është si gjithë politikanët e tjerë.
Nëse fiton një manat të tretë apo të katërt nuk do bëhet më i rrezikshëm, por i neveritshëm…”, tha ndër të tjera Mustafa Nano, në A-Show në Syri Tv.
Nanon tha se gjendja në Shqipëri është në një përkeqësim progresiv në të gjitha planet e mundshme, por në krahun tjetër ai mendon se kemi të bëjmë me një opozitë e cila nuk ka ide.
“Ka pasur një përkeqësim progresiv në të gjitha planet e mundshme. Merrje frymë më mirë në kohën e para 10 viteve. Edhe sot e mendoj se kur ulem në tavolinë për të shkruar ndihem më mirë. Dhe jam penduar që fytyrën time e kam bërë publike.
Unë përgjithësisht kam një marrëdhënie të vështirë me klasën politike shqiptare. Edi Rama është një nga përfaqësuesit më të rëndësishëm të gjeneratës së tij. Ashtu si edhe Sali Berisha, që është një njeri i lexuar.
Në fund të fundit këta e përfaqësojnë më së miri shoqërinë shqiptare. Shoqëria shqiptare mund të bëjë atë që mund ta bëjnë edhe shoqëritë e tjera. Atë që po bëjnë në Biellorusi që janë çuar qytetarët, kursë këtu kanë dalë militanët e partive, jo qytetarët”, tha Nano.
