Pas pushimeve, Kuvendi rinis punimet/ Ja çfarë pritet gjatë sesionit

Sot Kuvendi i Shqipërisë nis sesionin e VII të legjislaturës së IX në seancë plenare.

Kryetari i Kuvendit, Gramoz Ruçi ka urdhëruar thirrjen e sesionit të VII të legjislaturës së IX të Kuvendit të Shqipërisë, e cila do të mbahet këtë të hënë në orën 17:00.

Ky sesion parlamentar do të ketë në vëmendje reformën zgjedhore, pasi duhen miratuar aktet ligjore për të vënë në zbatim Kodin e ri Zgjedhor. Për herë të parë në zgjedhjet parlamentare të 25 prillit do të aplikohet teknologjia për identifikimin e votuesve, por edhe hapja e listave për kandidatët. Gjithashtu KQZ do të ketë një tjetër formulë me një kryekomisioner dhe një zëvendës të tij që do të propozohet nga opozita.

LEXO EDHE  Covid 19/ Kosova ashpërson masat! Ja orari i ri për restorantet dhe qendrat tregtare

Seanca plenare do të ketë në rend dite:

Miratimi i procesverbalit të seancës plenare datë 29.07.2020 dhe 30.07.2020 (Neni 44, pika 2 e Rregullores)

Njoftimi i çështjeve të depozituara në Kuvend për shqyrtim (Neni 44, pika 3 e Rregullores)

Njoftimi/Miratimi i draft-programit të punës së Kuvendit për periudhën 7 shtator – 16 tetor 2020 (Neni 26/neni 55

Rregullore Kuvendi, njoftim/shumicë e thjeshtë votash për miratim)

Njoftimi/Miratimi i draft-kalendarit të punimeve të Kuvendit për periudhën 7 – 25 shtator 2020 (Neni 27/neni 55
Rregullore Kuvendi, njoftim/shumicë e thjeshtë votash për miratim).

Kuvendi do të duhet të mbajë seancën kundrejt rregullave strikte të distancimit, ku deputetët do të duhet të jenë të pajisur me maska e doreza.