Juventus i bën dalje Suarezit, agjenti i njohur zbulon objektivin e vërtetë të bardhezinjve

Juventus është në kërkim të një sulmuesi qendre në mënyrë që Ronaldo dhe Dybala të kenë hapësirat e tyre në rolet natyrale.

Emrat më të lakuar të ditëve të fundit janë boshnjaku Edin Dzeko dhe uruguaiani Luis Suarez.

Për këtë të fundit madje mediat italiane kanë raportuar se është arritur marrëveshje dhe se pritet vetëm të zgjidhet çështja e pasaportës italiane, pasi aktualisht Suarez është ekstra-komunitar dhe bardhezinjtë i kanë zënë vendet për futbollistë me status të tillë.

Megjithatë eksperti i merkatos dhe njëkohësisht menaxheri i disa futbollistëve, Giovanni Branchini bëri një deklaratë surprizë në një intervistë radiofonike mbrëmjen e djeshme, pasi zbuloi se objektivi i Juventusit është rikthimi në Torino i Alvaro Moratës.

LEXO EDHE  Hamilton rishkruan historinë e F1, i jep fund "mbretërimit" të Schumacher duke arritur fitoren e 92-të

“Ju keni nominuar emra si Kean, Suarez, Cavani, e Dzeko, por nuk është asnjëri prej këtyre, sulmuesi që do t’i bashkohet Juventusit. Në dijeninë time, bardhezinjtë do të provojnë të sjellin në Torino Alvaro Moratën dhe kanë nisur punën për këtë. Më pas mund të vijë edhe Kean, por më shumë për çështje numrash, pasi është një futbollist i rritur në akademinë e klubit dhe mund të përfshihet lehtësisht në listën Champions”, deklaroi Branchini.