Sekretari për Çështjet Ligjore në PD, Çlirim Gjata, përmes rrjeteve sociale shprehet se Kryeministri Edi Rama ka sfiduar ambasadoren e SHBA, duke u shfaqur krah për krah me deputetin e larguar nga ligji i dekriminalizimit si pjesë e organizatave kriminale
“Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre.
Shefi i Rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkelqim Selami”, shkruan Gjata.
Sipas zyrtarit demokrat, duke u shfaqur krah Selamit, Rama sfidoi publikisht ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren.
“Një paralajmërim të tillë Ambasada Amerikane e ka bërë edhe më parë, por gjithmonë Edi Rama e ka injoruar, sepse ai e ka të qartë se pa mbështetjen e krimit të organizuar nuk fiton kurrë zgjedhjet. Edi Rama është peng i krimit dhe pa largimin e tij politika nuk mund të çlirohet nga krimi i organizuar dhe korrupsioni”, tha Gjata.
