Mëngjesin e sotëm u gjet i pajetë në fshatin Shkjezë të Bashkisë Vau i Dejës, një 27 vjeçar.
Nga të dhënat e para u raportua se viktima kishte plagë me armë zjarri në pjesën e kokës.
Sipas burimeve viktima është Gjin Ndoji i moshës 27 vjeç, teksa trupi i tij i pajetë është gjetur rreth orës 05:00 të mëngjesit të kësaj të diele.
Raportohet se Gjin Ndoji kishte dy mbiemra, Gjin Ndoji dhe Gjin Boriçi. Ai u gjet pranë një makine luksoze BMW.
Ndërkohë nga hetimet rezulton se policia ka gjetur në zonën e Bentit, pranë Malit të Jushit, një automjet tip Benz të djegur.
Automjeti tip Benz ka targat AA 346 LC, por dyshohet se këto targa janë vjedhur më 20 qershor në Durrës. Nga verifikimet ka rezultuar se targat në fjalë i përkasin një automjeti tip “Fiat Punto”, në pronësi të një shtetaseje, e cila ka denoncuar në atë kohë vjedhjen e targave pranë autoriteteve.
