Politikani Murat Basha, përmes një postimi në rrjetet sociale, ka lajmëruar miqtë dhe dashamirësit e tij se pas infektimit me Covid më datën 22 korrik dhe shtrimit në spital, ditën e sotme është rikthyer në shtëpi.
Gjëndja shëndetësore e Bashës është përmirësuar ndjeshëm dhe rreziku tashmë ka kaluar. Në fund të prononcimit të tij mësuesi i karatasë thekson se virusi nuk është shaka dhe këshillon të gjithë të bëjnë kujdes.
“Miq.Nga dt 22 Korrik, në betejë me Covid. Disa ditë në spital, së fundi jam në shtëpi. Prandaj nuk kemi komunikuar gjithë këtë kohë.Bëni kujdes se nuk është shaka. Falmnderit të gjithëve që jeni interesuar”, shkruan Basha.
Kujtojmë se gjatë 24 orëve të fundit sipas Ministrisë së Shëndetësisë, ka ndërruar jetë një pacient nga Tirana i moshës 58 vjeç.
Nga 586 testime të kryera për të dyshuar të prekur nga Covid 19, 135 persona janë konfirmuar pozitiv, ndërsa shpërndarja gjeografike e rasteve pozitive ditore është si vijon: 113 raste në Tiranë, 11 në Durrës, nga 2 raste në Kukës, Vorë, nga 1 rast në Shkodër, Krujë, Has, Kavajë, Vlorë, Tropojë, Kamëz.
Po në këtë periudhë kohore vihet re një shtim krahasuar me dje të numrit të personave që janë shëruar pasi bëhet fjalë për 72 qytetarë që kanë dalë negativ me testin e dytë duke e çuar numrin e të shëruarve në 3227 që nga fillimi i pandemisë