Juventusi u eliminua mbrëmjen e djeshme nga Liga e Kampioneve në fazën e 1/16-ve nga skuadra e Lyon-it. 2-2 ishte rezultati i të dy ndeshjeve mes skuadrave ndërsa ekipi francez kalon më tej falë golit në fushën kundërshtare.
Një rezultat zhgënjyes për klubin italian dhe për këtë ka paguar Maurizio Sarri i cili është shkarkuar nga bardhezinjtë.
Cristiano Ronaldo arriti t;i japë fitoren skuadrës së tij me anë të një dopietë por kjo nuk ishte e mjaftueshme për një skuadër dukshëm jofunksionale në fushën e lojës. Së fundmi anësori portugez ka reaguar në rrjetet sociale duke dhënë përshtypjet e sezonit 2019-2020 tashmë i përfunduar për Juventusin.
“Sezoni 2019/20 ka mbaruar për ne, shumë më vonë se zakonisht por në të njëjtën kohë më shpejt se sa prisnim. Tani është koha për reflektim, koha për të analizuar ulje-ngritjet sepse të menduarit kritik është mënyra e vetme për tu përmirësuar.
Një klub i madh si Juventus duhet të mendojë gjithmonë si më të mirët në botë, të punojë si më të mirët në botë, në mënyrë që të mund ta quajmë veten një nga klubet më të mira dhe më të mëdha në botë.
Fitimi i Serisë A edhe një herë në një vit kaq të vështirë është diçka për të cilën jemi shumë krenarë. Personalisht, shënimi i 37 golave për Juventusin dhe 11 për Kombëtaren Portugeze është diçka që më bën të përballoj të ardhmen me ambicie të përtërirë dhe dëshirë për të vazhduar të përmirësohem. Por tifozët kërkojnë më shumë nga ne. Ata presin më shumë nga ne. Dhe ne duhet të ta reflektojmë këtë dëshirë në fushë, duhet të përmbushim pritshmëritë e tyre të larta.
Shpresojmë që këto pushime të shkurtra të na lejojnë të marrim vendime më të mira për të ardhmen dhe të kthehemi më të fortë dhe më të përkushtuar se kurrë.
Shihemi se shpejti! – shkruan portugezi në Instagram.
https://www.instagram.com/p/CDorgwAAx6k/?utm_source=ig_web_copy_link