Messi zbarkon në Milano, ble shtëpi pranë zyrave të Interit

Lionel Messi, ka zbarkuar zyrtarisht në Milano, që e ka përzgjedhur si rezidencën e re fiskale të familjes. Mediet në Itali sugjerojnë që mund të ketë një takim mes tij dhe Steven Zhang, që gjithashtu pritet të mbërrijë në qytet orët në vazhdim.

Presidenti i Interit u ka kërkuar aturoriteteve kineze që mund ta lërë vendin për të qëndruar pranë ekipit në rrugëtimin europian, pse jo dhe për t’u takuar kokë më kokë me trajnerin Antonio Conte.

Pavarësisht përgënjeshtrimeve të mëparshme zyrtare të administratorit Beppe Marotta, grupi Suning por studion mundësinë për të bashkëpunuar me sponsorë të fuqishëm, që do të bënin të mundur transferimin e numrit 10 të Barcelonës në Milano. Pas një viti, kontrata aktuale i përfundon në verë të 2021-shit.

LEXO EDHE  Serie A/ Dopieta e Ronaldos eviton humbjen e Juventusit ndaj Romës

Babai i Messit, Jorge, ka marrë në zotërim një banesë në rrugën “Joe Colombo”, shumë pranë rrugës “Viale della Liberazione”, ku ndodhen zyrat e Interit. Të jetë vallë rastësi?! Suning nuk e konsideron utopi transferimin e Messit tek Interi, megjithatë mbetet një projekt për t’u vlerësuar në detaje. Është fakt që 6 herë fituesi i Topit të Artë nuk i ka refuzuar këto zëra, ndaj për zikaltrit Messi mbetet një ëndërr e madhe.