Denoncimi/ Abuzimet me fondet e Rindërtimit, 2.5 mld lekë për 1 shkollë dhe për 1 kopësht

Partia Demokratike e ka cilësuar si babëzi edhe në fatkeqësi mënyrën se si po administrohet tragjedia që shkaktoi tërmeti i 26 Nëntorit.

Dega e PD në Durrës thekson se ajo që i bën bashkë aktorët nga Fondi i Zhvillimit te Arben Ahmetaj është babëzia për të përfituar edhe nga fatkeqsia.

“Për institucionet arsimore nga 13 institucione DS4 dhe 1 DS5 është vendosur të rindertohen 29 përfshi edhe shkollat që nuk ka pasur dëmtime dhe është zhvilluar mësim mbas tërmetit.

Kush janë vlerat dhe ku con babëzia duket tek Shkolla 9-vjeçare “Njazi Mastori” në Sukth ku për një objekt me tre kate dhe për një kopësht me një kat do shpenzohen 2,5 milard lekë pa TVSH.

Punimet në shkolla kanë filuar pa pasur lejen e Ndërtimit. A e di Kryeministri Rama që kur ishte në 11 Korrik për të ndjekur nga afër punimet në shkollën “Shaqe Mazreku”, objekti ishte pa leje ndërtimi. Kur qytetarë të Durrësit në tokën e tyre për një gardh gjobiten nga 5 milion e më shumë lekë.

LEXO EDHE  'Infektimet e mësuesve dhe nxënësve' - Vokshi: Qeveria pa plan, 4 problemet kyçe

Por ndërsa babëzia i ka çuar që të operojnë me shpejtësi për të mbyllur tenderat e shkollave dhe për të filluar punimet edhe pa leje ndërtimi (për SPAK nuk është vepër penale sepse është Edi Rama) për pallatet DS3, DS4 dhe DS5 në Durrës pothuajse nuk është bërë asgjë. Vetëm janë shembur 8 godina në Manëz, 7 në Sukth dhe 7 në Durrës dhe askush nuk e di kur do ndërtohen dhe cdo të bëhet më hapsirat e përbashkëta të pallateve DS3 dhe DS4 që janë për rikontruksion. Po kështu, nuk dihet se kur dhe ku do të rindërtohen pallatet e dëmtuara rëndë”, tha ferdinand Xheferri, kreu i degës së PD.