Policia ka arrestuar dy vëllezër me dyshimin se janë autorët e vrasjes së taksistit Abdulla Budlla. Ngjarja ndodhi në datën 3 gusht në Prezë.
Mësohet se të arrestuarit janë Sajmir dhe Arsil Shera, përkatësisht 32 dhe 20 vjeç, të cilët akuzohen për “vrasje me paramendim”.
“Operacioni nga Sektori për Hetimin e Krimeve të Rënda ndaj Jetës dhe Pronës, në bashkëpunim me Sektorin e Forcës së Posaçme Operacionale në DVP Tiranë.
Zbardhet ngjarja e ndodhur më datë 03.08.2020, në rrugën nacionale Fushë Krujë – Vorë, në kryqëzimin e rrugës së Rinasit, ku u vra me armë zjarri 71-vjeçari A. B.
Identifikohen, kapen dhe vihen në pranga 2 vëllezër, të dyshuar si autorë të vrasjes.
Gjatë operacionit u vu në pranga edhe një 29-vjeçar, pasi gjatë kontrollit iu gjetën armë dhe drogë.
Si rezultat i një punë të mirorganizuar dhe të pandërprerë për zbulimin, dokumentimin dhe kapjen e autorëve të kësaj ngjarjeje, nga Sektori për Hetimin e Krimeve të Rënda ndaj Jetës dhe Pronës, nën drejtimin e Prokurorisë Pranë Gjykatës së Shkallës së Parë Tiranë, falë provave të siguruara, në bashkëpunim me Sektorin e Forcës së Posaçme Operacionale në DVP Tiranë, u zhvillua operacioni Policor “Brothers”, në kuadër të të cilit u bë i mundur, identifikimi, lokalizimi, kapja dhe ndalimi i autorëve të dyshuar të kësaj ngjarjeje, konkretisht i dy vëllezërve:
S. Sh., 32 vjeç, i dënuar më parë dhe A. Sh., 20 vjeç, banues në Rinas, Krujë, për veprat penale “Vrasja me paramendim” e kryer në bashkëpunim dhe “Armëmbajtja pa leje”.
Gjatë operacionit, Policia gjeti dhe sekuestroi edhe mjetin që kanë përdorur dy vëllezërit për të kryer krimin.
Gjithashtu , po gjatë zhvillimit të këtij operacioni dhe kontrolleve të befasishme të kryera në disa banesa të dyshuara, Policia arrestoi në flagrancë, për veprat penale “Prodhimi dhe shitja e narkotikëve” dhe “Armëmbajtja pa leje”, shtetasin G. Ç., 29 vjeç, lindur në Fushë Krujë
Gjatë kontrollit të ushtruar në ambientet e biznesit të 29-vjeçarit, shërbimet e Policisë gjetën dhe sekuestruan në cilësinë e provës materiale: një armë zjarri pistoletë, një shotgun, 60 gr. lëndë e dyshuar narkotike kokainë, një sasi të konsiderueshme në lekë, euro, paund, dollarë e franga zvicerane, një aparat celular dhe një automjet tip “Mercedes Benz”.
Nën drejtimin e Prokurorisë Pranë Gjykatës së Shkallës së Parë Tiranë, vijon puna për dokumentimin e plotë ligjor të ngjarjes”, njofton policia.
Budlla u ekzekutua me 7 plumba dhe u hodh nga autorët mbi një fuçi në anë të rrugës pranë taksisë së tij. Ai punonte në të zezë, ndërsa njihej nga banorët e zonës si njeri pa probleme.
Konflikti me disa kushërinj është e vetmja pistë qe ka ngritur deri tani Policia e Tiranës për vrasjen e ndodhur pasditen e të hënës në Fushë-Prezë.
Familjarët e viktimës gjate marrjes ne pyetje u kanë thënë hetuesve se nuk kanë pasur asnjë shqetësim nga ndonjë person.
Në vendngjarje policia nuk gjeti asnjë gëzhojë, pasi dyshohet se makina atentatorëve ishte në ecje duke bërë që ato të binin brenda në automjet.
71-vjeçari u ekzekutua me armë kallashnikov pasditen e së hënës në Fushë-Prezë, në kryqëzim me rrugën e Rinasit.
Budlla u qëllua me 7 plumba kallashnikovi, teksa kishte parkuar makinën anash rrugës.
Familjarët e viktimës gjate marrjes ne pyetje u kanë thënë hetuesve se nuk kanë pasur asnjë shqetësim nga ndonjë person.
Prej vitesh ai punonte në të zezë si taksist, ndërsa në vendngjarje policia nuk gjeti asnjë gëzhojë.
