Kukësi i pandalshëm në merkato, zyrtarizon futbollistin e tretë në pak ditë

Kukësi vazhdon të jetë aktiv në merkaton e verës. Pasi arriti marrëveshjen me portierin Anxhelo Tafa dhe mesfushorin Albin Gashi, klubi verilindor ka zyrtarizuar edhe blerjen e tretë.

Bëhet fjalë anësorin e djathtë, Zenel Gavazaj, i cili stërvitet me Kukësin që në muajin janar.

20 -vjeçari ka nënshkruar për dy vite dhe do të jetë tashmë në të njëjtin ekip me vëllanë e tij, Enis Gavazajn. Në të shkuarën Zeneli ka qenë pjesë e Lirisë së Prizrenit dhe Skënderbeut.

Njoftimi i klubit të Kukësit:

“Zenel Gavazaj është zyrtarisht futbollisti i Kukësit! Mesfushori i djathtë ka firmosur me skuadrën tonë një kontratë 2 vjeçare dhe do të vihet nën urdhrat e trajnerit Gega ditën e nesërme.

Gavazaj është një futbollist që e njeh mirë skuadrën tonë, duke qenë se stërvitet prej muajsh me ekipin. I ardhur nga një dëmtim, Gavazaj ka arritur të riaftësohet dhe të stërvitet normalisht me ekipin, por pa mundur të regjistrohet brenda afatit për të qenë pjesë e skuadrës për sezonin që mbaroi.

20-vjeçari i talentuar ka luajtur edhe me moshat e Shqipërisë, ku së fundmi ka qenë pjesë e Shqipërisë U19, teksa te Kukësi gjen edhe vëllanë e tij, Enis Gavazajn. Mirë se vjen Zenel!”.

LEXO EDHE  Video/ Reali humbet përqëndrimin, Betis-i e përmbys në dy minuta