Teuta ka mposhtur 2-0 Tiranën në “Air Albania” duke u shpallur fituese e Kupës së Shqipërisë për sezonin 2019-2020.
Skuadra durrsake ka shënuar nga një gol për secilën pjesë duke siguruar kështu trofeun e dytë më të rëndësishëm në futbollin shqiptar. Golin e parë e shënoi Rustem Hoxha në minutën e 2-të të ndeshjes. Mbrojtësi pas një krosimi perfekt të marrë nga goditja e këndit ia ka dalë ta dërgojë topin në rrjetë.
Ndërkohë goli që vulosi edhe rezultatin përfundimtar erdhi në minutën 78-të. Autor i golit ishte Lorenco Vila i cili dërgoi topin në rrjetë në minutën e 78-të. 21-vjeçari përfitoi nga një gafe eVangjelit dhe nuk mund të gabonte para portës, duke shënuar të dytin për ekipin e tij.
Për ekipin durrsak, kjo është Kupa e shtatë në histori, teksa kishin plot 13 vite që djemtë e detit nuk e ngrinin këtë trofe.
