Ministri për Rindërtim, Arben Ahmetaj, ka folur në Kuvend, edhe si ministër i Arsimit.
Në këtë kuadër, Ahmetaj tha se në shtator do të nisë një reformë e re në arsim, e cila sipas tij, ka të bëjë me futjen e anglishtes në klasën e parë.
Ahmetaj iu përgjigj akuzave të opozitës për aktin normativ lidhur me situatën e Covid-19, duke u shprehur se në këto vitet e fundit janë rritur të ardhurat në 25 %.
“Numërojeni pak deficitin buxhetor. Ai ka në kurriz 4.4 % brenda vetes goditjen që merr nga ekonomia.
Vetëm 2.2 % nga tërmeti. Është gati 2 një deficit normal. Kjo tregon se qeveria ecën me përgjegjshmëri.
E keni lexuar aktin normativ? Ka shtesë numrash, mësuesish për një reformë të rëndësishme. Do duhet ta dini ju të opozitës, që ne kemi nisur një reformë të re për fëmijët dhe prindërit e këtij vendi.
Kemi nisur anglisht në klasë të parë për nxënësit e republikës. Që ata të jenë gati për Global Economy. Prindërve u bën përshtypje, ndoshta juve jo.
Të ardhurat e shqiptarëve janë rritur mbi 25 % në këto vite. Ju më flisni për oligarkët. Taksa progresive i kthehu 110 mld dollarë atyre që ju i quani njerëz në nevojë. Ne hoqëm taksën për 300 mijë lekë e poshtë, e rritëm pagën minimale. Ne do të ndjekim këtë model, për të përgatitur mandatin e tretë të kësaj mazhorance, të kryeministrit Edi Rama”, tha Ahmetaj.
