Ja pse Edi Rama nuk i do koalicionet/ Manjani publikon shifrat zyrtare të zgjedhjeve

Debati më i madh lidhur me zgjedhjet e ardhshme parlamentare ka të bëjë me koalicionet, ndvrsa palët duket se do të dakordësohen për hapjen e listave.

Në 30 korrik Parlamenti pritet të miratojë ndryshimet Kushtetuese të dakordësuara mes Edi Ramës dhe asaj që njihet si “opozita” parlamentare, ndërsa Kryeministri është shprehur për një formulë të re të koalicioneve parazgjedhore. Rama ka propozuar që koalicionet të jenë me një listë të përbashkët kandidatësh, duke e lidhur këtë me hapjen e listave.

Por opozita e bashkuar e sheh këtë si një tentativë për moslejimin e koalicioneve parazgjedhore, duke akuzuar Ramën se ka frikë nga humbja e zgjedhjeve.

Ish-ministri i Drejtësisë, Ylli Manjani, ka publikuar në rrjetet sociale, rezultatin e zgjedhjeve parlamentare të 2017, ku socialistët e drejtuar nga Rama kanë marrë 48 % të votave. Manjani shkruan se megjithëse janë pakicë në popull, ato janë shumicë në Parlament.

“48% nuk janë shumica e shqiptarëve, por pakica. Pakica u bë shumicë parlamentare vetëm mga përçarja dhe nga dëmtimi i sistemit dule mos lejuar garën me koalicione.

LEXO EDHE  Tërmeti lëkund sërish Shqipërinë, ja ku ishte epiqendra

Ndaj sa herë thotë që “ne jemi shumica popullore”, rren!

Rren sa ka kokën!

Shumicën parlamentare e mori me mashtrim, jo nga vota e popullit!

Kjo është e vërteta e këtyre të dhënave zyrtare”, shkruan Manjani, duke publikuar edhe tabelën e mëposhtme të shpërndarjes së votave dhe mandateve.

Postimi nga Manjani

Ky është rezultati zyrtar e zgjedhjeve Parlamentare të fundit.

Edi Rama ishte në momentin e vet më të mirë. Kishte kohën në favor; ishte “dashnori” i të huajve këtu; opozita ishte më e përçarë se kurrë më parë; veçanërisht PD pati rënie të spikatur.

Megjithatë shqiptarët nuk e votuan të qeveriste vetëm. 48% nuk janë shumica e shqiptarëve, por pakica. Pakica u bë shumicë parlamentare vetëm mga përçarja dhe nga dëmtimi i sistemit dule mos lejuar garën me koalicione.

Ndaj sa herë thotë që “ne jemi shumica popullore”, rren!

Rren sa ka kokën!

Shumicën parlamentare e mori me mashtrim, jo nga vota e popullit!

Kjo është e vërteta e këtyre të dhënave zyrtare.