Katalonja do të mbyllë baret e orëve të vona dhe klubet e natës duke nisur nga e shtuna, teksa rajoni verilindor po përballet më një rritje të konsiderueshme të rasteve me COVID-19.
Qeveria katalanase njoftoi se baret dhe klubet e natës do të qëndrojnë të mbyllura për 15 ditë.
Spanja regjistroi 280 raste të reja gjatë së premtes, një shifër tre-fish më e lartë krahasuar me dy javë më parë.
Lajmi vjen në një hark kohor prej më pak se një muaji pasi vendi doli nga karantina.
Spanja është ndër vendet më të prekura nga pandemia në Europë, me 28 mijë viktima dhe mbi 272 mijë të infektuar, sipas të dhënave nga Organizata Botërore e Shëndetësisë.
Departamenti i Shëndetësisë së Katalonjës raportoi për një total prej 89,727 rastesh në rajon gjatë së shtunës.
Pavarësisht rritjes së numrit të rasteve, lejohen ende udhëtimet drejt Spanjës nga BE.
