Meta: Kuvendi monopartiak shkeli mbi opinionin e Venecias, ndryshoi formulën e betimit të gjyqtarëve dhe prokurorëve

Presidenti Ilir Meta akuzoi Kuvendin se i ka marrë kompetencat Kreut të Shtetit lidhur me betimin e anëtarëve të Gjykatës së Lartë dhe prokurorit të SPAK, duke shkelur në këtë mënyrë edhe opinionin e Komisionit të Venecias.

Meta tha se ky vendim i Kuvendit monopartiak vë në dyshim edhe integritetin e anëtarëve të Gjykatës Kushtetuese, pasi 3 anëtarë të saj zgjidhen nga Gjykata e Lartë.

“Kuvendi ndërhyri edhe në ligjet e reformës së drejtësisë duke ndryshuar formatin e betimit, ndërsa legjitimon se anëtarët e Gjykatës së Lartë dhe prokurorët e SPAK mund të betohen edhe mbi një copë letër”, tha Meta, referuar ndryshimeve ligjore të miratuara nga Kuvendi për statusin e gjyqtarëve dhe prokurorëve, magjistratë, që do të emërohen në Gjykatën e Lartë dhe SPAK.

Ndërsa e ka cilësuar një veprim të pabesë të Kuvendit, Meta tha se ky ligj mund të pezullojë nga puna çdo magjistrat duke e lënë këtë kompetencë vetëm në dorën e Inspektorit të Lartë të Drejtësisë.

“Duke qenë se Gjykata Kushtetuesja nuk është në funksion, palët nuk mund të ankimojnë këto ndërhyrje të Parlamentit monopartiak, i cili ka shkelur Kushtetutën”, tha Meta.

Sipas tij, magjistratët mund të pezullohen nga detyra pa asnjë hetim, dhe kjo synon të mbajë nën presion politik gjyqtarët dhe prokurorët.

LIVE – Komunikimi javor me mediat

Gepostet von Ilir Meta am Freitag, 24. Juli 2020

“Venecia konfirmoi se betimi i anëtarëve të Gjykatës Kushtetuese duhet të bëhet vetëm para Presidentit, dhe nisma për të ndryshuar formatin e betimit nga Kuvendi ishte për të uzurpuar kopetencat e kreut të Shtetit.

LEXO EDHE  VIDEO/ Basha: Llumi i tranzicionit, status quo-ja. Nuk ka forcë që ndal ndryshimin

Por në njëjtën ditë Kuvendi ndërmori edhe një akt tjetër antiligjor.

Kuvendi u soll krejt ndryshe me ligjin tjetër për statusin e gjyqtarëve dhe prokurorëve të ndryshuar.

Përmes këtij ligji, në mënyrë të pabesë, u shkeleën nga ligjet e miratuara për Reformën në Drejtësë dhe çfarë ka rekomanduar Bashkimi Evropian.

Përmns këtij ligji, Kuvendi i hoqi Presidentit të drejtën për të emëruar gjyqtarët dhe prokurorët.

Ndërkohë që po përmes këtij ndryshimi rrezikohet të shkelet edhe integriteti i Gjykatës së Lartë.

Ndërkohë që si ngritja e Gjykatës së Lartë dhe asaj Kushtetuese sipas rekomandimeve të Komisionit të Venecias, janë dy nga kushtet e integrimit”, tha Meta.

Sipas tij, të hënën do ti vihet në dispozicion trupit diplomatik i gjithe dokumentacioni, pasi janë investuar miliona euro që shqiptarët të kenë drejtësi.