Droga nga Amerika e Jugut në Evropë, Policia jep detaje: Dy shqiptarë në pranga, do ekstradohen në Itali

Policia e Shtetit dhe Policia Italiane kanë zhvilluar një operacion të përbashkët në fushën e trafikimit të drogës, dhe armëmbajtjes pa leje.

Deri më tani janë lëshuar 20 urdhër-arreste në Emilia Romagna, Lombardi, Liguria dhe Marche të Italisë.

Operacioni “Riviera”, i iniciuar nga Prokuroria Rajonale Antimafia në Bolonja, në bashkëpunim me Grupin e Operacioneve Speciale (ROS) të Karabinierisë në Bolonja, Itali, pati si qëllim goditjen e një grupi të organizuar kriminal, të përbërë kryesisht nga shtetas shqiptarë, me aktivitet trafikimin e narkotikëve në rajonin e Emilia Romagna në Itali.

Të arrestuarit

Në vendin tonë u arrestuan dy shtetas shqiptarë, me qëllim ekstradimi në Itali.

”Në zbatim të urdhër-arresteve të lëshuara nga zyra e Prokurorisë Antimafia në Bolonja dhe si rezultat i veprimeve policore të mirëkoordinuara mes palëve, u arrestuan në vendin tonë, me qellim ekstradimi drejt Italisë, shtetasit shqiptar Elison Hysenbelliu, 40 vjeç, banues në Bathore si dhe Jurgen Duka (Mëziri), 38 vjeç, banues në Kamzë”, informon policia.

Hetimet

Hetimet filluan në maj 2018 pas një raporti të dërguar në Drejtorinë Qendrore të Shërbimeve të Drogës nga policia kolumbiane.

LEXO EDHE  Mbyllet autostrada Lushnje-Fier, shkak numri i lartë i aksidenteve fatale

Shkak u bë ardhja e një “kimisti” kolumbian  në Itali i cili do të duhej të binte dakord për mënyrën e mësimit e trafikimit të drogës që do të vinte nga Amerika e Jugut.

Deri më tani janë sekuestruar pasuri në vlerën 150 mijë euro.

Mbi të gjitha, ajo ishte e angazhuar për furnizimin, administrimin dhe shitjen e drogës në Riviera Romagna dhe Rimini, si dhe për furnizimin me kokainë dhe heroinë nga Amerika e Jugut në Evropa Veriore, si dhe marijuanë e cila gjithashtu eksportohej në sasi të mëdha në Austri.

Të dyshuarit gjithashtu ishin në gjendje të përkryer për të “rafinuar” drogën para se ta shisnin atë duke aplikuar teknika të transformimit, për shembull, të kokainës nga gjendje e lëngshme në gjendje të ngurtë.

Gjatë operaiconit, karabinierët në Itali zbuluan një armë gjahu dhe disa municione. Një i mitur gjithashtu ishte i angazhuar në këtë veprimtari të paligjshme, pasi ishte përgjegjës për peshimin dhe paketimin e drogës. Për më tepër, i riu duhej të gjente klientë dhe të mbledhte paratë nga droga.