Gazeta Koha Jonë e botuesit Nikoll Lesi përmes një artikull i drejton një apel opozitës që të bëhet gati për përplasje, pasi Edi Rama nuk tërhiqet nga ndryshimet Kushtetuese.
Në artikullin e botuar në Koha Jonë thuhet se Rama e ka ndarë mendjen, do t’i miratojë ndryshimet në Kushtetutë vetëm që të heqë koalicionet parazgjedhore.
“Sondazhet e kanë nxjerrë në humbje katastrofale përballë opozitës së bashkuar. Prishja e rregullave të lojës, pasi ka filluar loja elektorale, nuk ka ndodhur asnjëherë në këto 30 vite pluralizëm.
Por kryeministri Rama nuk heq dorë, do ti miratojë ndryshimet kushtetuese me Myslim Murrizin, Rudina Hajdarin, Halit Valterin, Kujtim Gjuzin, etj”, thekson artikulli.
Në vijim thuhet se ka vetëm një zgjidhje: Opozita ta mposhtë me protesta, me popull dhe me shpirt përballje.
“Dhe mos pyesni më ambasadorët nëse protesta merr udhë përplasje, pasi ambasadorët po heshtin sot. Nesër le të vendosë populli se si e menaxhon veten e tij përballë tiranisë”, thekson artikulli.
Artikulli në Koha Jonë
Kryeministri Rama e ka ndarë mendjen, do t’i miratojë ndryshimet në Kushtetutë vetëm që të heqë koalicionet parazgjedhore. Sondazhet e kanë nxjerrë në humbje katastrofale përballë opozitës së bashkuar. Prishja e rregullave të lojës, pasi ka filluar loja elektorale, nuk ka ndodhur asnjëherë në këto 30 vite pluralizëm.
Por kryeministri Rama nuk heq dorë, do ti miratojë ndryshimet kushtetuese me Myslim Murrizin, Rudina Hajdarin, Halit Valterin, Kujtim Gjuzin, etj
Opozita reale është para një fakti që po bëhet realitet, pra që Edi Rama po e realizon puçin kushtetues. Nuk ka udhë tjetër veçse përballjes me popull përballë kryeministrisë.
Me sa duket Rama i ka llogoritur hapat e tij, pasi ka filluar që prej një muaj e kusur të rrisë numrat me koronavirus që të krijojë panik në popull. Që para firmosjes së 5 qershorit kryeministri dhe shpura e tij e kanë përpiluar këtë hap antidemokratik, edhe kur ka firmosur e ka hedhur firmën se nuk e besonte se Lulzim Basha dhe LSI do ta firmosnin Marrëveshjen, e cila edhe ashtu siç është, mbetet në favor të PS-së.
Edi Rama e do që në tavolinë pushtetin dhe po bën makinacione të tilla.
Ka vetëm një zgjidhje: Opozita ta mposhtë me protesta, me popull dhe me shpirt përballje.
Dhe mos pyesni më ambasadorët nëse protesta merr udhë përplasje, pasi ambasadorët po heshtin sot. Nesër le të vendosë populli se si e menaxhon veten e tij përballë tiranisë.
Shembujt janë të gjallë nga SHBA, Franca, etj, se si populli doli në rrugë ndaj mizorisë. /Koha Jonë/
