Kukësi tregohet rival i denjë dhe jashtë fushe, uron Tiranën për titullin e fituar

Kukësi ishte skuadra që rivalizoi më së shumti Tiranën këtë sezon një betejë që gjithsesi e humbën në fund.

Verilindorët u dorëzuan në garën për titullin dy javë para mbylljes së sezonit, kjo për shkak të shkëputjes që kishin krijuar bardheblutë dhe humbjes së ekipit të Shehit ndaj Vllaznisë ditën e djeshme.

Megjithatë pavarësisht se nuk ia dolën ta fitojnë titullin, Kukësi uroi kundërshtarin për suksesin e tyre duke u treguar një rival i denjë jo vetëm në fushën e lojës por edhe jashtë saj teksa respekti për kundërshtarin është një nga vlerat më të mëdha të sportit.

LEXO EDHE  Gazeta gjermane shpërthen pas ‘Topit të Artë’: Zgjedhje skandaloze! Lewandowski vetëm i dyti

Nëpërmjet një postimi në rrjetet sociale, Kukësi i ka uruar bardheblutë për titullin e 25-të në histori të klubit, duke iu uruar gjithashtu suksese në Kupat e Europës.

“Kukësi uron klubin e Tiranës për titullin kampion të 25-të të fituar këtë sezon, që përkon edhe me 100-vjetorin e klubit. Suksese në Kupat e Europës!”, shkruhet në postimin e Kukësit.