Policia e Elbasanit, ka reaguar nëpërmjet një njoftimi zyrtar për mediat, pas ekzekutimit të 39-vjeçarit Emiliano Ramazani sot pasdite në këtë qytet.
Blutë e Elbasanit, shprehen se autorët kanë qëlluar në lëvizje ndërsa më pas kanë djegur automjetin në një zonë me ullishte.
Në Elbasan, ndodhen FNSH dhe RENEA të cilët po bëjnë krehjen e zonës për të bërë të mundur identifikimin dhe arrestimin e autorëve.
“Shërbimet e Policisë janë vënë në ndjeke të autorëve, po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh.”-shprehet Policia.
Njoftimi i plotë:
Në Elbasan, në vendin e quajtur “Rrethrrotullimi i luleve”, në rrethana ende të paqarta është vrarë me armë zjarri shtetasi E. R. 39 vjeç
Autorët dyshohet se janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit.
Shërbimet e Policisë janë vënë në ndjeke të autorëve, po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh.
Në ndihmë të Policisë lokale janë nsiur FNSH dhe RENEA, si dhe një grup specialistësh të Departamentit të Policisë Kriminale.
Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.
Nën drejtimin e Prokurorisë vijon puna për zbardhjen e plotë të rrethanave të ngjarjes.
LEXO EDHE:
DETAJE/ U qëllua me 5 plumba, si u ekzekutua Emiliano Ramazani në mes të Elbasanit
