Ministrja e Shëndetësisë, Ogerta Manastirliu, është përfshirë në një fushatë, duke publikuar foto nga Infektivi, apo pacientë që sipas saj vuajnë nga Covid-19.
E gjithv fushata e Manastirliut, e ngjashme me arkivolët që publikonte Edi Rama në fillimet e pandemisë, duket se synon frikësimin dhe panikun te qytetarët, ndoshta me qëllimin për të respektuar masat anti-Covid-19.
Por brenda pak orësh duket se ministrja ka dalë bllof. Njëherë me një paciente, për të cilën Manastirliu tha se vuante nga Covid-19, ndërsa një prej familjarëve të të moshuarës e ka përgënjeshtruar duke sqaruar se ajo ishte në reanimacion për arsye të tjera, por jo për shkak të koronavirusit.
Ndërkohë, Manastirliu nuk ndalet, ndërsa ka publikuar një tjetër foto nga Infektivi.
“Pamje brenda spitalit Infektiv”, shkruan Manastirliu në foton e publikuar, ku shfaqet një pacient që merr serum. Por padashje, ministrja e Shëndetësisë ka zbuluar se shishja nga i cili pacienti merr serumin është një shishe e zakonshme plastike.
Gafa e ministres ka zbuluar një skandal, në një kohë kur nga vetë Manastirliu flitet për masat që janë marrë për përballimin e Covid-19, mjetet spitalore apo ato mbrojtëse. Foto e publikuar nga Manastirliu flet shumë më tepër se premtimet dhe deklaratat dhe gjithkush mund t´a marrë me mend se kur mungon një shishe serumi në një spital Covid, mund të mungojnë edhe shumë pajisje të tjera.
Një qytetare që ka dalluar skandalin ka shkruar në redaksinë e JOQ Albania:
Pershendetje JOQ. Kan ven bidonin plastik te ujit si serum? Pretendohet qe ato te gjitha duhet te jen solucione sterile sepse hyn direkt ne vene direkt ne gjak. Si mundet te futet serum nga bidon plastik jo steril ne gjak?
