Ministrja e Shëndetësisë, Ogerta Manastirliu, u shfaq në një mjedis spitallor me maskë, duke komunikuar me një prej mjekëve, anëtar të Komitetit Teknik anti-Covid.
Maska që mbante Manastirliu ishte me valvul, që konsiderohet një prej maskave profesionale dhe ndoshta e papërballueshme për shkak të çmimit nga shumica e shqiptarëve.
Por eksperti i shëndetit publik, Erion Dasho, në një reagim shprehet se në kohen e Covid-19 maska mbahet për solidaritet, pra maska ime ju mbron ju dhe maska juaj më mbron mua.
“Në se ju mbani një maskë me valvul, unë ngelem i pambrojtur!
Ju lutem, ngrini një komitet profesionist ekspertësh dhe jo amatorët që ju rrethojnë prej 6 muajsh dhe kanë bërë dëme të jashtëzakonshme në shëndetin, jetën sociale dhe ekonominë e shqiptarëve!”, shkruan Dasho.
Postimi nga Erion Dasho
Zonja Ministre!
Në kohën e COVID, maska mbahet për solidaritet. Maska ime ju mbron ju dhe maska juaj më mbron mua! Në se ju mbani një maskë me valvul, unë ngelem i pambrojtur!
Ju lutem, ngrini një komitet profesionist ekspertësh dhe jo amatorët që ju rrethojnë prej 6 muajsh dhe kanë bërë dëme të jashtëzakonshme në shëndetin, jetën sociale dhe ekonominë e shqiptarëve!
Ata do të dinë se si t’ju këshillojnë!
