Kosovë, 132 raste të reja me Covid-19 në 24 orët e fundit/ Shtohet numri i viktimave

Gjatë 24 orëve të fundit, Ministria e Shëndetësisë në Kosovë ka testuar 486 persona ku 132 prej tyre kanë rezultuar pozitiv me Covid 19.

Rastet pozitive janë nga: komuna Prishtinë 47 raste, komuna Ferizaj 16 raste, komuna Mitrovicë 16 raste, komuna Gjilan 12 raste, komuna Podujevë 6 raste, komuna Vushtrri 5 raste, komuna Viti 4 raste, komuna Drenas 4 raste, komuna Fushë Kosovë 4 raste, komuna Pejë 3 raste, komuna Prizren 3 raste, komuna Deçan 2 raste, komuna Kaçanik 2 raste dhe me nga 1 rast komunat: Kamenicë, Klinë, Graçanicë, Kllokot, Mitrovicë e veriut, Obiliq, Rahovec dhe Skenderaj

LEXO EDHE  Në këtë shtet nuk ka më asnjë të prekur nga koronavirusi/ Shërohet edhe pacienti i fundit

Ditën e sotme janë 83 të shëruar dhe kanë humbur jetën 3 persona duke e çuar numrin në 118 viktima që nga fillimi i pandemisë.

Në Kosovë që nga fillimi i pandemisë janë infektuar me koronavirus 5369 persona, ku 2545 janë të shëruar dhe 2706 janë raste aktive.