Ish-kryeministri Sali Berisha denoncon publikisht se po fshihen rastet me COVID-19 në Universitetin e Tiranës.
Berisha ka publikuar një mesazh për të cilin shprehet se ka ardhur në adresë të tij. Në mesazh thuhet se të paktën dy punonjës së Universitetit të Tiranës janë pozitivë me koronavirus, por fakti po fshihet pasi jemi në prag të zgjedhjeve në universitete (që mbahen në fund të muajit).
“Fshihen rastet me covid-19 ne Universitet! Te semure me simptoma te covid-19 nga Universiteti nuk i pranojne ne spital per shkak te zgjedhjeve. Punonjesve nuk ju bejne testet”, shkruan Berisha në një postim në FB, ku më tej publikon dhe denoncimin e ardhur në adresë të tij:
“Zoti Berisha, një ngjarje e shëmtuar e fshehjes së rasteve me covid-19 po ndodh në Universitetin e Tiranës. Të paktën dy punonjës të rektoratit janë prekur nga simptomat e coronavirusit dhe prej disa ditësh janë karantinuar në shtëpi. Të paktën një prej tyre nuk e kanë pranuar në spital edhe pse me temperaturë të lartë, sepse nuk duan ta bëjnë publike në prag zgjedhjesh në universitet, ngaqë e morën vesh ku punonte. Më tepër se gjysma e punonjësve në rektorat s’po shkojnë më në punë nga frika. Dhe të mendosh se sa punonjës efektivë, gazetarë, pedagogë e studentë hyjnë përditë përektoratir probleme të ndryshme institucionale aty. Është kontaktuar edhe me disa gazetarë për ta bërë publike, por se marrin përsipër ta nxjerrin si lajm pasi nuk jua kanë miratuar eprorët. Për respekt të personave dhe etikë nuk i publikojmë emrat e punonjësve me covid, pasi janë profesionistë të përkushtuar, familjarë dhe njerëz shumë të mirë.”
