Higuain larg Juventusit, bardhezinjtë kanë gati emrin e zëvendësuesit

E ardhmja e Gonzalo Higuain shihet larg Juventusit, duke parë që sulmuesi argjentinas është larg formës së dikurshme dhe për pasojë nuk bën më pjesë në planet e Sarrit.

Të interesuar për Higuain janë River Plate, si dhe disa skuadra në MLS. Bardhezinjtë duhet ta zëvendësojnë menjëherë dhe Arkadiusz Milik është një prej alternativave kryesore.

Napoli do 40 milion euro për sulmuesin polak, por mund të arrihet një marrëveshje duke përfshirë Federico Bernardeschi, ose mbrojtësin Luca Pellegrini plus para. Aurelio de Laurentiis duhet ta ndajë mendjen, pasi Milik sezonin e ardhshëm mund të largohet me parametra zero.

LEXO EDHE  Surprizë e madhe nga Juventusi, bardhezinjtë zyrtarizojnë trajnerin e ri

Juventusi normalisht nuk mund të ndjekë vetëm sulmuesin e Napolit dhe ka nisur të lëvizë edhe për një tjetër pistë. Alexandre Lacazette është futbollisti tjetër që ka tërhequr vëmendjen e klubit nga Torino dhe Arsenal ka në dorë fatet e tij.

Në Itali janë të bindur se me Dybala e Ronaldo ai mund të përshtatet shumë mirë dhe transferimi i tij do të ishte shumë i vlefshëm për trajnerin Maurizio Sarri.