Alegri është gati për skuadrën e re, ja ku do të drejtojë ish-trajneri i Juventusit

Tashmë prej një viti, Masimiliano Alegri, është i papunë pasi drejtuesit e Juventusit vendosën t’i ndërprisnin kontratën.

Megjithatë tashmë trajneri italian mund t’i rikthehet përsëri punës, me shumë skuadra që duan ta marrin në drejtimin e tyre. Sipas asaj që shkruan “Tuttosport”, Alegrin në sezonin e ardhshëm mund ta shohim në drejtimin e Interit ose të PSG-së.

LEXO EDHE  20 milion £ për kartonin e Brojës, disa klube të Premier League vihen në lëvizje

Drejtori i francezëve, Leonardo e ndjek prej kohësh trajnerin italian dhe shpreson ta marrë në ekipin e tij për sezonin e ardhshëm. Gjithashtu edhe Marota mund të tentojë ta afrojë te Interi, pas rezultateve jo shumë të mira të Contes në drejtim të zikaltërve.