Rastet e reja me Covid-19 në Shkodër e Durrës, kontakte të personave të prekur

Ministria e Shëndetësisë konfirmoi sot 6 raste të reja me koronavirus në qarkun e Shkodrës dhe 3 në Durrës. Shifrat e publikuara sot janë më të ulëta në krahasim me ditët e mëparshme, ndërkohë që rekordin e mban Tirana me mbi 60 raste në 24 orët e fundit.

Sipas të dhënave, 6 rastet në qarkun e Shkodrës, janë identifikuar 2 në Malësinë e Madhe dhe 4 të tjerat në Bashkinë Shkodër.

LEXO EDHE  50 infermierë të rinj tek “Shefqet Ndroqi”, Manastirliu paralajmëron ditë të vështira

Qoftë në Shkodër ashtu edhe në Durrës, rastet e konfirmuara sot janë kontakte të rasteve të mëparshme, pra nuk përbëjnë vatra të reja.

Ditën e sotme është shënuar bilanci më tragjik që nga shpërthimi i pandemisë në vend. Gjatë 24 orëve të fundit 4 pacientë kanë humbur jetën te spitali Infektiv, ndërsa janë konfirmuar 93 raste të reja.