Covid-19 në Shqipëri, rëndohet bilanci/ Humbin jetën 4 persona

Katër persona kanë humbur jetën si pasojë e Covid-19, duke e çuar numrin e viktimave në 89, që nga momenti i shfaqjes së pandemisë në Shqipëri.

Sipas Ministrisë së Shëndetësisë, pacientët ishin në intubim, në gjendje të rënduar shëndetësore, dhe me sëmundje bashkëshoqëruese.

“Ne 24 orët e fundit, nuk e kanë fituar dot betejën me sëmundjen 4 qytetarë: një 68 vjeçar nga Durrësi, një 65 vjeçar nga Tirana, një 63 vjeçar nga Elbasani dhe një 71 vjeçare nga Shkodra, me disa sëmundje bashkëshoqëruese, në gjendje të rënduar si pasoje e Covid19.

LEXO EDHE  Epidemiologu i jep lajmin e mirë shqiptarëve për koronavirusin: Shtrëngoni dhëmbët edhe pak!

Ministria e Shëndetësisë dhe Mbrojtjes Sociale u shpreh ngushëllimet familjarëve”, thuhet në njoftimin zyrtar.

Ky është rasti i parë kur në Shqipëri brenda 24 orësh humbasin jetën 4 persona, ndërsa në javët e fundit janë raportuar raste vdekjesh 2 ose 3 persona në ditë.