Transportonte sirianët kundrejt 400-500 euro, arrestohet 21-vjeçari

Një 21-vjeçar u arrestua në Elbasan, pasi akuzohet se ka ndihmuar për kalim të paligjshëm të kufirit, kundrejt fitimit, disa shtetas të huaj.

Policia bën me dije se 21-vjeçari me inicialet R. M., banues në Kamëz, Tiranë, u kap duke transportuar 9 sirianë, kundrejt fitimit që varionte 400-500 euro për secilin, për të kaluar kufirin me Malin e Zi, në mënyrë të paligjshme, me destinacion final një nga vendet e BE-së.

Po ashtu është proceduar penalisht edhe një 19-vjeçare me inicialet A. S., banuese po në Kamëz, e akuzuar për veprën penale “Moskallëzim krimi”.

LEXO EDHE  Bilanc tragjik/ 6 viktima nga Covid 19 në 24 orët e fundit në Shqipëri

“Finalizohet operacioni policor i koduar i koduar “Mengel”, për goditjen e veprimtarisë kriminale në fushën e dhënies ndihmë për kalim të paligjshëm të kufijve, kundrejt fitimit.

Kapet duke transportuar 9 shtetas të huaj, kundrejt fitimit 400 – 500 euro për person, arrestohet në flagrancë 21-vjeçari.

Procedohet dhe një shtetase, për veprën penale “Moskallëzim krimi””, thuhet në njoftimin e policisë.