Tirana me frymën e fundit arriti që të barazojë rezultatin 1-1 në derbin ndaj Partizanit e vlefshme për javën e 33-të në Kategorinë Superiore.
“Të kuqtë” ishin pranë fitores ndaj rivalëve të përjetshëm por në fund gjithçka u mbyll me rezultatin 1-1. 45-minutat e para pati vetëm dyluftime të ashpra në fushën e blertë, por mungoi goli. Pjesa e dytë nisi me ritëm tjetër dhe me më shumë raste drejt portave kundërshtare.
Ekipi vendas gjeti rrjetën me Cordeiron. Braziliani shënoi në minutën e 76′ pas një gabimi në mbrojtje të bardhebluve. Kur mendohej se gjithçka do të mbyllej në favor të “Demave”, Muçi vendosi baraspeshën në të 90’+2′. Një rrjetë që mund të vendosë shumë në fund të sezonit. 24 herë kampionët e vendit vazhdojnë me rezultate pozitive në derbi dhe mbajnë kryesimin.
