Një shqiptar u arrestua nga policia italiane, pasi u kap me 5.5 kg drogë të llojit marijuanë. I arrestuari është shtetasi M.L, banues në Pesaro.
Ai ishte nën monitorim nga policia, ndërsa u ndalua jo shumë larg shtëpisë që përdorte.
Në bordin e një makine, ai kishte edhe 700 euro. Nga hetimet rezultoi se ai kishte vendosur të transferohej në shtëpinë e të dashurës së re.
Ai kishte valixhen plot me rroba dhe sende personale, por brenda tyre kishte edhe një qese të madhe celofoni.
Megjithatë, droga do të ishte e fundit që do të transferohej pasi të shihte sigurinë e shtëpisë së të dashurës.
I riu fillimisht mohoi të jetonte në atë ndërtesë dhe refuzoi të jepte çelësat e derës, por agjentët hynë me forcë dhe gjetën sasinë e marijuanës, çka çoi më pas edhe në arrestimin e tij.
Ndaj 23 vjeçarit, duke pasur parasysh sasinë e madhe të drogës së gjetur, po hetohet më tej nga autoritetet për të kuptuar rolin e e saktë në trafikun e drogës.
Ai është dërguar në qelitë e paraburgimit, në Lo Russo Cotugno në dispozicion të autoritetit gjyqësor.
