Propozimi/ Ilir Beqaj: E premtja dhe e hëna pushim për administratën

Ish-ministri i Shëndetësisë Ilir Beqja, tanimë deputet i PS në Kuvend, ka bërë një propozim të radhës nga foltorja.

Ai tha se për shkak të trafikut të krijuar në fundjavë, duhen riparë pushimet e administratës në mënyrë që mos kemi mbivendosje në gusht. Beqaj propozoi më shumë pushime për administratën, konkretisht që dy ose tre fundjava, të bëhen pushim edhe e premtja edhe e hëna.

“I kërkoj qeverisë që nga sot deri më 14 shtator kur fillon shkolla, janë dhe 9 javë, të mund të marrë në konsideratë që në dy ose tre fundjava ta bëjë ditë pushim edhe një të premte dhe një të hënë, për t’i dhënë mundësi që njerëzit të kenë mundësi për më shumë alternativa, të mos mbivendosemi të gjithë në gusht kur dhe cilësia e shërbimit bie, kështu të mund dhe të shlodhemi edhe të ndihmojmë ekonominë”, u shpreh deputeti.

LEXO EDHE  Miratohen 5191 paga lufte/ Ja kush kategori përfiton

“Nëse nga sot për 9 javë, mund të shpallen tre fundjava, nga e premtja në të hënë pra janë 4 ditë pushimi, njerëzit mund të fillojnë që sot të programojnë punët e tyre dhe prenotimet”, tha Beqja.