Në fillimin e pandemisë së Covid-19, Kryeministri Edi Rama publikonte foto me arkivolët e personave që sipas tij humbnin jetën nga koronavirusi.
I gjithë qëllimi në atë kohë u trajtua si një frikë që po u injektohej njerëzve për masat shtrënguese, që shkuan në një izolim total për 3 muaj.
Por izolimi total, u pa si një masë që nuk luftonte Covid-19, dhe as dha rezultate, pasi tashmë me hapjen, rastet janë shtuar, sikundër edhe numri i vdekjeve.
E gjithë situata tregoi se hapja u bë pa një plan, ndërsa përgjegjësia iu hodh qytetarëve, që nuk respektojnë rregullat.
Në fakt gjithçka ka të bëjë me një paqartësi mesazhesh që jepen nga Komiteti Teknik mbi Covid-19. E ndërsa sot diskutohet që maska duhet përdorur me detyrim në publik, ishte ky Komitet që kundërshtonte mbajtjen e maskave, ndërsa kërkohej distancim social dhe larje duarsh, ndërsa maska duhej përdorur nëse do të kishte ambiente të mbyllura ose kontakte të afërta.
Ndërkohë, ministrja e Shëndetësisë, ka zgjedhur të publikojë një foto nga spitali Infektiv, ku shfaqet një pacient i intubuar.
Manastirliu i bën thirrje qytetarëve që të mos lejojnë që ata apo ndonjë i afërmi i tyre të përfundojë në spital dhe të rrezikojë jetën nga COVID-19.
“Gjashtë pacientë, mes tyre edhe mosha të reja janë të intubuar dhe po luftojnë për jetën në spitalin infektiv, me përpjekjen e madhe të stafit mjekësor, në një betejë shumë të vështirë me virusin e rrezikshëm.
Mos e lejoni që ju apo një i afërmi juaj të përfundojë në spital dhe të rrezikojë jetën nga #COVID19 #RespektoniRregullat
Mbaj distancën
Vendos maskën
Ruaj higjienën”, shkruan Manastirliu.
