Michael Gahler, eurodeputet dhe zëdhënës i Partive Popullore Europiane, deklaron se Parlamenti Shqiptar duhet të miratojë marrëveshjen për reformën zgjedhore të arritur më 5 qershor mes forcave kryesore politike.
Në një deklaratë në emër të PPE, Gahler shprehet se marrëveshja u përshëndet edhe nga Partia Socialiste Europiane dhe nuk duhet humbu kohë në zbatimin e saj.
Michael Gahler shton se miratimi i kësaj reforme është 1 nga 15 kushtet për negociatat e Shqipërisë me Bashkimin Europian. Ai gjithashtu sjellë në vëmendje faktin se BE ka kërkuar vlerësimin e legjitimitetit të zgjedhjeve vendore të 30 qershorit 2019.
“Grupi i PPE-së në Parlamentin Evropian, uron partitë në Këshillin Politik Shqiptar, të cilat pas Marrëveshjes së 5 Qershorit, ranë dakord për paketën e amandamenteve zgjedhore.
Ne e lavdërojmë konsensusin e qëndrueshëm të partive që përfshinte Partinë Socialiste në pushtet dhe Partinë Demokratike (anëtare e PPE) dhe presim miratimin e shpejtë zyrtar të kësaj pakete.
Ky konsensus ka qenë një kusht kryesor i BE për fillimin e negociatave të pranimit.
Paketa duhet të zbatohet në zgjedhjet e ardhshme parlamentare dhe lokale. Këshilli Evropian në mars kërkoi që Shqipëria të sqarojë ligjshmërinë e zgjedhjeve lokale të vitit 2019. Fakti që qeveritë lokale në Shqipëri drejtohen nga një parti e vetme, e kundërshton atë me nocionin themelor të një demokracie pluraliste.
Këto janë tre kushte të rëndësishme nga 15 që Shqipëria duhet të përmbushë përpara fillimit të negociatave të anëtarësimit në BE.
Opinionet e lëshuara kohët e fundit të Komisionit të Venecias për lirinë e mediave dhe gjyqësorit duhet të zbatohen plotësisht në frymën dhe letrën e tyre në mënyrë që të korrigjojnë devijimet e mëparshme dhe të ecin përpara.
Gjithashtu duhet të fillohet procesi penal lidhur me pretendimet e blerjes së votave në zgjedhjet e kaluara, përfshirë ato në Dosjet 184 dhe 339.
15 Kushtet u vendosën në mars nga Këshilli Evropian dhe u konfirmuan muajin e kaluar në Parlamentin Evropian nga një shumicë e madhe kryqezore.
Grupi EPP vazhdon të mbështesë Shqipërinë në rrugën e saj drejt BE”, thuhet në deklaratë.