Kukësi mund Tiranën në kryeqytet dhe ngushton diferencat, paqe mes Bylisit dhe Partizanit

Kukësi ka dalë triumfues në kryeqytet përballë skuadrës së Tiranës teksa kanë fituar me rezultatin 1-2.

Një tre pikësh jetik ky për verilindorët për sa i përket shanseve të tyre për tu shpallur kampion. Tashmë diferenca me bardheblutë shkon në 6-të pikë teksa kanë mbetur edhe 4 ndeshje deri në përfundimin e sezonit.

Sfida është vendosur në pjesën e dytë, aty ku skuadra e drejtuar nga Orges Shehi ka shënuar dy herë. Serinë e golave e hapi Godberg Cooper në minutën e 59-të. Sulmuesi i harruar brenda zonës mposht portierin Lika, duke kaluar në avantazh verilindorët.

LEXO EDHE  Champions League/ Barça dhe Napoli luajnë ndeshjen e sezonit

Goli i dytë për Kukësin që në fund rezultoi edhe i fitores u realizua nga Valon Ethemi. 22-vjeçari realizoi një supergol me parabol.

Ndërkohë, ndërsa pritej vërshëllima për përfundimin e takimit, Tirana shkurton diferencat me anë të Michael Ngoo. Gjithsesi koha nuk premtonte dhe arbitri bëri me shenjë që lojtarët t’i drejtoheshin dhomave të zhveshjes.

Ndërkohë në takimin tjetër në Ballsh mes Bylisit e Partizanit, nuk pati fitues. Vendasit kaluan të parët në avantazh me anë të Ndrecës (18’), ndërsa Brown në të 71-ën, vulosi rezultatin e sfidës, në 1-1.