Anglia rihap baret, restorantet dhe parukeritë, për herë të parë në tre muaj

Për herë të parë në tre muaj Anglia lejoi hapjen e restoranteve, bareve dhe salloneve të bukurisë, të cilat u mbyllën si pasojë e pandemisë së coronavirusit.

Sipas mediave të huaja, kryeministri britanik, Boris Johnson, urdhëroi qytetarët të respektojnë rregullat e distancimit për të mbështetur bizneset dhe të mos rrezikojnë një valë të dytë të koronavirusit.

LEXO EDHE  Policia identifikon autorin e vrasjes së taksistit, shoqërohen disa persona

Johnson u thotë atyre të kenë kujdes gjatë stinës së verës, në mënyrë që të ruhet progresi i bërë deri më tani.

“Suksesi i bizneseve, dhe ekonomia e gjithë vendit varet nga secili prej nesh, andaj duhet të veprojmë me përgjegjësi”, u shpreh Johnson.

“Nuk duhet t’i zhgënjejmë ata”, shtoi ai.