Në 24 orët e fundit janë konfirmuar 5 raste të reja me koronavirus në Vlorë, ndërsa dy raste të tjera janë zbuluar në Peshkopi.
E ndërsa në Vlorë rastet e konfirmuara janë kontakte nga pacientë të mëparshëm të prekur nga Covid-19, në Peshkopi dyshohet se infektimi ka ndodhur në QSUT.
Mësohet se një nga të infektuarit në Peshkopi është nisur drejt Infektivit.
QSUT prej disa javësh është kthyer në një vatër të rrezikshme të përhapjes së Covid-19, edhe pse zyrtarisht në çdo deklaratë Ministria e Shëndetësisë nuk e evidenton, ndërsa përgjegjësinë për shtimin e rasteve ia hedh qytetarëve apo bizneseve. Po kështu shumë prej pacientëve të prekur janë pjesë e institucioneve shtetërore.
