Covid-19 në Shqipëri, konfirmohen 82 raste, ja si shpërndahen/ Si paraqitet gjendja në Infektiv

Gjatë 24 orëve të fundit janë konfirmuar 82 raste me koronavirus, shifra më e lartë e konfirmuar zyrtarisht deri më tani nga Ministria e Shëndetësisë.

Referuar të dhënave zyrtare, rastet shpërendahen në Tiranë, 30, në Shkodër, Kavajë dhe Fushë Arrëz nga 6 raste, në Vlorë 5 raste, në Durrës, Krujë e Lushnje nga 4 raste, në Vaun e Dejës, Berat, Korçë, Kurbin e Fier nga 2 raste, dhe nga 1 rast përkatësisht në Elbasan, Lezhë, Has, Pukë dhe Rrogozhinë.

Referuar të dhënave zyrtare, në spitalin Infektiv po trajtohen 78 pacientë, 9 prej tyre janë në terapi intensive, ndërsa 2 janë të intubuar në gjendje të rëndë.

Ndërkohë gjatë 24 orëve të fundit janë kryer 368 testime për të dyshuar të prekur me Covid19, nga të cilat janë konfirmuar 82 raste pozitive.

LEXO EDHE  Aksident/ Trajleri përplas çiklomotorin, në gjendje të rëndë dy persona

Në 24 orët e fundit janë shëruar 43 qytetarë, duke e çuar në 1559 numrin e të shëruarve që nga fillimi i epidemisë.
Në vendin tonë aktualisht janë 1034 persona aktivë me COVID19, kryesisht në Tiranë, Shkodër, Durrës.

COVID-19 – Statistika (2 Korrik 2020)

Testime totale 27671
Raste pozitive 2662
Raste të shëruara 1559
Raste Aktive 1034
Humbje jete 69 (Qarku Tiranë 38, Durrës 11, Fier 5, Vlorë 2, Shkodër 10, Kukës 1, Elbasan 2)

Shpërndarja gjeografike e rasteve aktive sipas qarqeve:

Tiranë 387
Durrës 203
Shkodër 152
Vlorë 110
Fier 51
Lezhë 45
Korçë 28
Kukës 19
Elbasan 16
Berat 8
Dibër 8
Gjirokastër 7