Një 72-vjeçar ka humbur jetën paraditen e sotme në Vlorë, ndërsa u gjet në gjendje të rëndë në bregdetin e Plazhit të Ri.
Dyshohet se ai mund të ketë pësuar arrest kardiak ose të jetë mbytur në ujë
“Rreth orës 09:40, në bregdetin e Plazhit të Ri, Vlorë, pranë shkollës së Marinës është nxjerrë nga deti në gjendje të rëndë shtetasi F. H., 72 vjeç, banues në Tiranë, i cili ka ndërruar jetë rrugës për në spitalin Rajonal.
72 vjeçari ka qenë duke bërë plazh shoqëruar nga bashkëshortja e tij.
Grupi hetimor po kryen veprimet e mëtejshme në lidhje me sqarimin e rrethanave”, thuhet në njoftimin e policisë.
