Deputeti Kujtim Gjuzi, është përjashtuar me 10 ditë nga Kuvendi, seancat dhe komisionet parlamentare.
Vendimi është marrë sot nga Byroja e Kuvendit, pas shqyrtimit të kërkesës për përjashtimin e deputetit.
“Sipas Urdhërit të Kryetarit të Kuvendit, z. Gramoz Ruçi, Nr. 31, datë 26.06.2020, sot u zhvillua mbledhja e Byrosë së Kuendit, për shqyrtimin e ankesës së deputetit Kujtim Gjuzi kundër vendimit nr. 12, datë 23.06.2020, të Sekretariatit për Procedurat, Votimet dhe Etikën “Për marrjen e masës disiplinore ndaj deputetit Kujtim Gjuzi “Përjashtim nga pjesmëarrja në komisione dhe/ose seancë plenare për 10 (dhjetë) ditë”.
Byroja vendosi përjashtimin e deputetit Kujtim Gjuzi nga pjesmëarrja në komisione dhe/ose seancë plenare deri më datë 1 Korrik”, thuhet në njoftim.
Deputeti Gjuzi në një nga seancat e fundit parlamentare replikoi nga vendi me Kryeministrin Edi Rama, i cili më pas u tall me shamninë që mban Gjuzi në xhepin e xhaketës.
