Ibrahimi raporton në Kuvend për KLP: Prokurorët janë sulmuar politikisht

Kreu i Këshillit të Lartë të Prokurorisë, Gent Ibrahimi, ka raportuar sot në Kuvend për veprimtarinë e Institucionit që drejton. Ai u shpreh se gjatë vitit të kaluar, 2019, është themeluar një sistem i “vetingut permanent të prokurorëve”, për verifikuar pasurinë e tyre.

Sipas tij, sistemi i vetingut permanent do të hedhë gurët e themelit për integritetin në sistemin e Prokurorisë.

Ibrahimi theksoi se Prokurorët janë bërë shpesh edhe objekte të sulmeve politike, ku theksoi se Këshilli ka përdorur kompetencat për të mbrojtur pavarësinë e tyre.

“Kemi pasur rast të përdorim kompetencat tona në lidhje me mbrojtjen e pavarësisë së prokurorëve, kur ata sipas gjykimit tonë, janë bërë objekt i sulmeve politike, jo politike, kam parasysh rastin e drejtuesit të Prokurorisë së Përgjithshme, i cili për shkak të cilësive personale u bë objekt i një lloj sulmi publik dhe ne në këtë rast dhe raste të tjera patëm rastin t’i qëndrojmë në krah prokurorëve duke ushtruar një kompetencë të qartë që na e ka dhënë Kushtetuta”, u shpreh ai.

Ibrahimi u shpreh se suksesi në luftën kundër krimit është i mundur vetëm nëse prokurorët janë profesionalë, të pavarur dhe me integritet.

“Këshilli i Lartë i Prokurorisë është zyra e kuadrit të Prokurorisë. Është në misionin e Këshillit që vendimet për karrierën e prokurorëve, transferimin e tyre, të jenë vendime që të bazohen në vlerësimin e meritave profesionale të prokurorëve dhe në rezultatet vlerësimit të figurës dhe integritetit të tyre.

LEXO EDHE  “Kam 8 muaj që fshihem kot! Ta kisha ditur se është kështu, do isha dorëzuar me kohë”

Ky set kompetencash që i është besuar Këshillit, që është një organ i zgjedhur në mënyrë ët depolitizuar dhe ka një përbërje nga 6 prokurorë dhe 5 jo prokurorë, që balancon interesat e prokurove me qytetarët në përgjithësi.

Gjatë 2019 veprimtaria jonë është shënjuar nga themelimi i Prokurorisë Posaçme dhe zgjedhja e Prokurorit të Përgjithshëm. Veprimtari e Këshillit ka qenë edhe më e thellë dhe e gjerë. Gjatë vitit që shkoi kemi themeluar një sistem të vetingut permanent të prokurorëve.

Gjatë vitit që shkoi Këshilli është integruar në rolin e kuadrit ndihmës në procesin e vetingut. Kemi miratuar 44 raporte vlerësimi për prokurorët në kuadër të procesit të vetingut.

Në vitin 2020 do të kryejmë të gjitha procedurat e ngritjes në detyrë të drejtuesve të prokurorisë. Kemi pasur rast të përdorim kompetencat tona në lidhje me mbrojtjen e pavarësisë së prokurorëve, kur ata sipas gjykimit tonë, janë bërë objekt i sulmeve politike, jo politike, kam parasysh rastin e drejtuesit të prokurorisë së përgjithshme, i cili për shkak të cilësive personale u bë objekt i një lloj sulmi publik dhe ne në këtë rast dhe raste të tjera patëm rastin t’i qëndrojmë në krah prokurorëve duke ushtruar një kompetencë të qartë që na e ka dhënë Kushtetuta”, tha ai.