Nuk iu bindën taktikave, Sormani nervozohet me lojtarët e Partizanit

Me dy fitoret radhazi ndaj Luftëtarit dhe Flamurtarit, u duk se situata në skuadrën e Partizanit do të përmirësohej.

Por duket se kjo gjë nuk ka ndodhur pasi në kampin e kuq, ka ndodhur një episod gjatë seancës stërvitore të së martës kur trajneri është irrituar me lojtarët e tij gjatë ekzekutimit të një prej ushtrimeve taktike.

Kjo për shkakun se nuk ishin duke ndjekur udhëzimet e italianit, çka ka detyruar Sormanin të marrë piketat e vendosura dhe të largohet nga stërvitja për disa minuta, kohë që i është dashur për të qetësuar nervat, pasi më vonë është rikthyer për të marrë drejtimin e seancës stërvitore.

LEXO EDHE  Guardiola drejt largimit nga City? Ja dy emrat që mund ta zëvendësojnë

Një episod që sado të minimizohet, flet për një situatë aspak idilike te kampionët në fuqi, që përjetojnë një sezon të vështirë që i ka parë si një hije të zbehtë të skuadrës që një vit më parë fitonte titullin kampion.