Atletico e Madrid-it ka mposhtur 1-0 në transfertë Levanten në ndeshjen e vlefshme për javën e 31-të të La Ligës.
Një ndeshje e vuajtur kjo për djemtë e Simeones të cilët morën tre pikët falë një autogoli të Bruno Gonzalez në minutën e 15-të. Mbrojtësi spanjoll në përpjekje për të eliminuar një pasim brenda zonës nga lojtarët e Atletico Madrid dërgoi topin në rrjetën e tij.
Me këtë fitore, Atletico Madrid ngjitet në fundin e tretë në kuotën e 55 pikëve duke kaluar një pozicion më poshtë Sevillan me 53 pikë.
Nga ana tjetër Levante vazhdon të pozicionohet e 11-ta në tabelë tashmë pa asnjë objektiv deri në fundin e sezonit.
