Ministria e Shëndetësisë bëri të ditur se në 24 orët e fundit janë zbuluar 53 raste të reja me koronavirus, 26 prej tyre në Tiranë.
Ndërkohë nga të dhënat e ISHP mësohet se mes të prekurve të fundit është edhe një fëmijë.
Mësohet se ai është pjesë e një familjeje në Patos, ku janë identifikuar 3 raste në 24 orët e fundit. Ato janë kontakte të një familjari të prekur më parë nga koronavirusi.
Nga raportimet mësohet se pacientët e rinj në Patos janë prekur nga një grua, e cila ka qenë e shtruar në QSUT, ku mendohet se është infektuar më parë nga
koronavirusi.
Në Pogradec janë identifikuar gjithashtu 3 raste, që dyshohet se janë infektuar në Tiranë, e cila mbetet qyteti me numrin më të lartë të rasteve me Covid-19.
Në Shkodër nga 6 rastet e identifikuara, 1 prej pacientëve punon në Gjykatën e Apelit në Shkodër.
