Franca vuri në vështirësi shumë kampionate në Europë, duke vendosur ndërprerjen e futbollit deri më 1 shtator. Gjithsesi Gjermania fillimisht, si dhe më pas Spanja, Italia e Anglia dhanë “OK”-in që të luhej duke respektuar një protokoll sanitar, që ul shanset e përhapjes së koronavirusit.
Në Francë, sa kuptohet nga të gjitha veprimet e bëra, vendimi është marrë që ndonjë palë interesi të përfitojë në aspektin financiar. Futbolli dhe klubet kanë dalë më të humburat, ndërkohë që do të ketë gjyqe për shkak të ndërprerjes së garës, që penalizoi disa klube të arrijnë objektivat që i kishin shumë pranë.
Tashmë qeveria franceze ka vendosur ta hapë futbollin, madje të lejohen deri në 5 mijë tifozë në stadiume. Kjo do të ndodhë prej 11 korrikut dhe është zyrtare. Më parë ishte zbuluar që në gusht do të niste edhe kampionati, çka ngre hije të mëdha dyshimi mbi vendimin e marrë për kampionatet e futbollit. /abcnews
