Angelina Jolie rrëfen arsyen e divorcit me Brad Pitt pas 4 vitesh

Divorci i Angelina Jolie dhe Brad Pitt bërë bujë në media pasi ata konsideroheshin si çifti ideal. Aktorja e famshme ka bërë një pasqyrim të rrallë të arsyes së ndarjes së tyre.

Ylli i Hollywood foli për fundin e martesës në vitin 2016 në një intervistë për British Vogue duke thënë se e mori këtë vendim për të mirën e gjashtë fëmijëve të tyre.

“Unë u ndava për mirëqenien e familjes sime. Vazhdoj të përqendrohem tek ata,”– tha 45-vjeçarja për revistën.

Ndërsa shtoi: “Disa kanë përfituar nga heshtja ime dhe fëmijët shohin gënjeshtra për jetën e tyre në media. Por unë u kujtoj atyre që ata e dinë të vërtetën. Në fakt, ata janë 6 të rinj shumë të guximshëm, shumë të fortë.”

Në një intervistë tjetër pak kohë më parë, Jolie u pyet nëse mendonte të largohej nga SHBA.

LEXO EDHE  Njihuni me 5 konkurrentet e reja të "Love Story" që kërkojnë dashurinë në ekran

“Do të doja të jetoja jashtë vendit dhe do ta bëj menjëherë pasi fëmijët e mi të jenë mbi 18-vjeç. Tani për tani më duhet të jetoj në vendin ku qëndron edhe babai i tyre,”- tha aktorja.