Pas disa javësh ndjekjeje, policia arreston 24-vjeçarin/ Ja çfarë iu bllokua

Policia e Durrësit arrestoi në flagrancë një 24-vjeçar, të cilit iu sekuestruan 11 doza me lëndë narkotike kokainë, peshore elektronike, 2 automjete, 2 telefona celular dhe një sasi parash të përfituara nga shitja e lëndës narkotike.

I riu u kap si rezultat i një hetimi disajavor të ndjekur me metoda speciale të hetimit.

Policia tha se i arrestuari është shtetasi me inicialet E. P., 24 vjeç, banues në Durrës.

LEXO EDHE  Tentoi të përplasë dikë me makinë, shpallet në kërkim 23-vjeçari (Emri)

Pas kontrollit të ushtruar në mjetin e tij u gjetën 11 doza me lëndë narkotike kokainë, të cilat i shiste kryesisht në lagjen nr. 1, Durrës.

Gjithashtu u sekuestruan në cilësinë e provës materiale 1 peshore elektronike, 2 automjete, 3 telefona celularë dhe një sasi parash të përfituara nga shitja e lëndës narkotike.

Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e lëndëve narkotike”.