Në Kadastrën e Vlorës kohët e fundit ka pasur një seri lëvizjesh nga krerët e këtij institucioni. Çdo drejtor i emëruar ose komanduar jep dorëheqjen vetëm pak ditë pasi hyn në zyrë. Kjo ndodhi së fundmi me Jurgen Pilkatin, që u dorëhoq 15 ditë pasi kishte marrë detyrën.
Ai zëvendësonte Viola Himën, që qëndroi në detyrë vetëm 4 ditë. Më parë ishin dorëhequr edhe 5 të emëruar ose komanduar të tjerëdhe kjo në harkun e disa muajve.
Në lidhje me këto ndryshime të shpeshta ka reaguar edhe Kreu i Agjencisë Shtetërore të Kadastrës, sipas të cilit kjo është një pasojë e 25 viteve talljeve në këtë institucion.
“Kadastra e Vlorë është ndër institucionet më problematikë të vendit që ka filluar që në 1994. Ne po heqim kusuret e 25 viteve tallje me këta njerëz. Ndaj dhe procesi i regjistrimeve në jug nuk po bëhet nga kadastra e Vlorës, por nga ekipet e Tiranës. Besoj se për kadastrën e Vlorës do të dëgjoni shumë shpejt lajme”, tha Lame.
DENONCO